SHORT NEWS 20 | पोलिसांच्या 18 टीमने हस्तगत केले 30 लाखाचे तब्बल 184 मोबाईल

सोलापूर पोलीस आयुक्तालयाच्या अंतर्गत असलेल्या सात पोलीस ठाण्यामधील 18 पोलीस अंमलदारांनी महाराष्ट्र तसेच कर्नाटकात जाऊन लोकांचे चोरीला गेलेले अडीचशे पैकी तब्बल 184 मोबाईल हस्तगत केले आहेत. याची किंमत 30 लाख 69 हजार 483 रुपये आहे. केंद्र सरकारच्या सीआयआर पोर्टल द्वारे या चोरीला गेलेल्या मोबाईलचा शोध घेण्यात आला. अशी माहिती पोलीस आयुक्त एम राजकुमार यांनी दिली. या कामगिरीबद्दल पोलीस उपायुक्त प्रीतम यावलकर, पोलीस उपायुक्त अश्विनी पाटील विविध पोलीस ठाण्याच्या टीमचे पोलीस आयुक्तांच्या हस्ते प्रशस्तीपत्र देऊन पोलीस आयुक्तांनी कौतुक केले. चोरीला गेलेल्या मोबाईल काही मोबाईल धारकांना पोलीस आयुक्तांच्या हस्ते त्यांचे मोबाईल परत देण्यात आले. उर्वरित जणांना पोलीस ठाण्यांकडून मोबाईल दिले जाणार आहेत.