फलटण उपजिल्हा रुग्णालयातील डॉक्टर राजेश रूपणर यांनी गळफास घेऊन आत्महत्या केल्याचे समोर आले आहे.
विशेष म्हणजे, मागील वर्षी याच रुग्णालयातील डॉ. संपदा मुंडे यांनीही आत्महत्या केली होती. त्यांच्या आत्महत्येप्रकरणातील पुढील कारवाई आणि सत्य अद्याप स्पष्टपणे जनतेसमोर आलेले नसताना पुन्हा एका डॉक्टरने आत्महत्या केल्याने अनेक गंभीर प्रश्न उपस्थित झाले आहेत.
सामान्य नागरिकांसाठी देवदूताची भूमिका बजावणाऱ्या डॉक्टरांनाच मानसिक त्रास, दबाव किंवा छळाला सामोरे जावे लागत असेल आणि त्यातून त्यांना टोकाचे पाऊल उचलावे लागत असेल, तर ही बाब अत्यंत संतापजनक व चिंताजनक आहे.
“डॉक्टर संपदा मुंडे यांच्या नंतर डॉक्टर राजेश यांनी आत्महत्या केली आहे. यामध्ये माजी मंत्री तानाजी सावंत यांचे OSD व रुग्णालयातील वरिष्ठ अधिकारी यांचे नाव समोर येत आहे. सरकारने या दोन्ही घटनांची सखोल व निष्पक्ष चौकशी करून दोषी कोणत्याही पक्षाचा, पदाचा किंवा प्रभावशाली व्यक्तीचा असला तरी त्याच्यावर कठोरात कठोर कारवाई करावी. ” – आ.रोहित पवार
