नगरसेविकांच्या पती देवांना पार्टी मीटिंग मधून काढले बाहेर शहराध्यक्षांविरोधात थेट आरोप

सोलापूर महापालिकेतील महिला नगरसेविका आणि त्यांच्या पती देवांचा कारभारात वाढता हस्तक्षेप काल उफाळून आला. महापालिकेची उद्या सर्वसाधारण सभा होणार असून त्या पार्श्वभूमीवर भाजपच्या नगरसेवकांची मीटिंग आयोजित केली होती या मीटिंगमध्ये नगरसेविका कल्पना कारभारी यांचे पती ज्ञानेश्वर कारभारी आत मध्ये येताच रोहिणी तडवळकर यांनी त्यांना जाब विचारला. त्यावेळी त्यांनीही रोहिणी तडवळकर यांना खडे बोल सुनावले. शहर मध्यच्या नगरसेविकीचे पती बैठकीला बसतात ते तुम्हाला चालते फक्त शहर उत्तर आणि शहर दक्षिण मधील नगरसेविकांच्या पती बाबतच तुम्ही असे का वागतात असा प्रश्न त्यांनी उपस्थित केला. काही नगरसेविकांचे पती,काहींचे भाऊ,काहींची मुले पार्टी मीटिंगमध्ये येऊन बसतात. एवढेच नव्हे तर ते प्रश्न उत्तरे करतात. त्यामुळे भाजपचे 87 नगरसेवक असून देखील गटबाजीमुळे कोणाचेच या नगरसेवकांवर कंट्रोल नसल्याचे दिसते. भाजपच्या कार्यालयात तुमचे पती येतातच ना असे देखील बोल ज्ञानेश्वर कारभारी यांनी सुनावले. शेवटी दहा ते बारा पतीदेव नगरसेवकांना बाहेर काढले आणि त्यानंतर पार्टी मीटिंग झाली.