पुण्यात वाहनांच्या नंबर प्लेटची ‘MH 12’ ची ZZ ही सिरीज लवकरच संपणार आहे .वाहनांच्या नंबर प्लेटवर 3 अक्षरी मालिका शक्य नसल्याने पुणे RTOने देशात पहिल्यांदाच 1 अंक आणि 1 अक्षरासह म्हणजेच ‘1A’ असा नंबर वापरण्याचा प्रस्ताव दिलाय…. केंद्राच्या मंजुरीनंतर पुण्यातील वाहनांची ‘एमएच 12’ ही मूळ ओळख कायम ठेवण्यास मान्यता दिलीय.. तर, लवकरच या नव्या सिरीजबाबत अंतिम निर्णय अपेक्षित आहे.पुणे शहराची ओळख असलेला ‘MH 12’ हा आरटीओ (RTO) कोड यापुढेही कायम राहण्याचा मार्ग सुकर झाला आहे. सध्या पुण्यातील वाहनांच्या नोंदणीसाठी ‘MH 12 ZZ’ ही शेवटची मालिका (Series) सुरू असून, ही मालिका संपल्यानंतर पुण्यासाठी कोणती नवीन मालिका सुरू करायची, असा प्रश्न निर्माण झाला होता. या पार्श्वभूमीवर केंद्रीय राज्यमंत्री तथा पुण्याचे खासदार मुरलीधर मोहोळ यांनी केंद्रीय रस्ते परिवहन आणि महामार्ग मंत्री नितीन गडकरी यांची भेट घेऊन सकारात्मक तोडगा काढल्याची माहिती समोर येत आहे.पुणे आरटीओकडून दिल्या जाणाऱ्या वाहन क्रमांकांचा कोड बदलला जाण्यासंदर्भातील गांभीर्य लक्षात घेत आज केंद्रीय रस्ते परिवहन व महामार्ग मंत्री नितीन गडकरी यांची भेट घेऊन, पुण्याची ओळख बनलेला एमएच 12 (MH 12) हा कोड कोणत्याही परिस्थितीत बदलू नये आणि त्याच कोडअंतर्गत पुढील पर्यायी वाहन नोंदणी मालिका सुरू करण्यासाठी आवश्यक निर्णय घ्यावा, अशी आग्रहाची विनंती केली.
