पुण्यात पावसाने मोडला 117 वर्षांचा रेकॉर्ड !

पुणे शहर जिल्ह्यात मागील काही दिवसांपासून पडत असलेल्या मुसळधार पावसामुळे पुणेकरांना दिलासा मिळालाय .एक ते 29 जुलै दरम्यान 508. 9 मिलिमीटर पावसाची नोंद झालीये. 1907 च्या जुलै महिन्यात 508.5 मिलिमीटर पावसाचा रेकॉर्ड मोडला. विक्रमी पावसामुळे पुणे शहर जिल्ह्याची पाण्याची चिंता मिटली आहे. राज्यात सरासरी 94% पावसाची नोंद झाली असून, 84 टक्यांहून अधिक पेरण्या पूर्ण झाल्या आहेत. पुणे धरणक्षेत्रात दमदार पावसामुळे खडकवासला धरण पुन्हा शंभर टक्के भरले आहे तर पुणे जिल्ह्याला पाणीपुरवठा करणारी धरणं जवळपास भरण्याच्या मार्गावर आहेत.वाढत्या पाणी साठ्यामुळे धरणातून पाण्याचा विसर्ग सुरू केला असून नागरिकांनी सतर्क राहण्याचे प्रशासनाने आवाहन केले आहे. पुणे महापालिकेच्या माहितीनुसार खडकवासला शंभर टक्के भरले असून पानशेत ,वरसगाव ,टेमघर धरणात 90% पेक्षा जास्त पाणीसाठा आहे.दरम्यान भारतीय हवामान विभागाने आणखी दोन दिवस मुसळधार पावसाचा अंदाज व्यक्त केला आहे.