बालाजी अमाईन्स कंपनीच्यावतीने सी एस आर अंतर्गत बक्षी हिप्परगे ता दक्षिण सोलापूर येथे बांधण्यात आलेल्या नविन आर.सी.सी दहनशेड, वेटींग शेड, पाण्याची टाकी स्मशानभुमी मधिल सिमेंटचा रस्ता हया विविध कामाचे लोकार्पण बालाजी अमाईन्स चे व्यवस्थापकीय संचालाक डी राम रेडडी यांच्या हस्ते श्रीफळ वाढऊन करण्यात आले . बक्षीहिप्परगे गावातील स्मशानभुमी मध्ये एक जुना झालेला दहनशेड होता त्याच्या स्लॅपवर कॅक पडल्यामुळे पावसाळयात पावसाचे पाणी आत मध्ये येत होते व अंत्यविधी करताना लोकांना त्रास होत होता. गावातील नागरिक व ग्रामपंचायत सदस्यानी बालाजी अमाईन्सच्या व्यवस्थापकीय संचालक श्री डी राम रेडडी यांचे कडे नविन दहन शेड व वेटींग शेड बांधकाम सी एस आर अंतर्गत करून मिळावे अशी मागणी पत्राव्दारे केली. या मागणीस सकारात्मक प्रतिसाद देत संचलक मंडळ व व्यवस्थापकीय संचालक राम रेडडी यांनी तात्काळ मंजूरी दिली.
बालाजी अमाईन्सच्या वतीने बक्षीहिप्परगे गावातील स्मशानभुमी येथे करण्यात आलेले कामे .
नविन दहन शेड व दहन चिता जाळी (बीडचे रॅक) अंत्यविधीस आलेल्या लोकांना थांबण्यास वेटींग शेड, सिमेंटची पाण्याची ३000 लि ची टाकी व कटटा ,स्मशानभुमी मधिल सिमेंटचा रस्ता,पेव्हर ब्लॉक व फरशीकरण,स्मशानभुमी परिसरात वृक्षारोपण साठी १५० रोप. बालाजी अमाईन्सचे व्यवस्थापकीय संचालक राम रेडडी यांनी लाकार्पण कार्यक्रमात बालाजी अमाईन्सच्यावतीने सोलापूर शहरात विदयुत दाहिनी व शांती चौक स्मशानभुमी सुधारणा समिती, ग्रामपंचायत सुरतगाव ता तुळजापूर, ग्रामपंचायत हगलुर ग्रामपंचायत, विंचुर ता दक्षिण सोलापूर ग्रामपंचायत शिरापूर ता मोहोळ या ठिकाणी स्मशानभुमी मध्ये नविन दहान शेड व , परिसर सुशोभीकरण पेव्हर ब्लॅक, पाण्याची टाकी, दहन चिता जाळी (बीडचे रॅक) ही कामे पुर्ण झालेली आहेत तसेच ग्रामपंचायत शिंगडगाव ,ग्रामपंचायत नांदणी ता दक्षिण सोलापूर ,ग्रामपंचायत पानगाव ता बार्शी, ग्रामपंचायत सांगवी ता तुळजापूर ,हया गावातील स्मशानभुमी मधिल कामे सध्या सुरू आहेत लवकर त्या गावातील स्मशानभुमी सुशोभीकरण करून नविन होतील असे सर्व ग्रामस्थांना मार्गदर्शन करतेवेळी सांगितले. या कार्यक्रमात गावातील नागरिकांनी डी राम रेडडी यांचा बक्षीहिप्परगे ग्रामपंचायतच्यावतीने मानपत्र देऊन सत्कार केला . या नंतर स्मशानभुमी परिसरात वृक्षारोपण करण्यात आले. कार्यक्रमाचे प्रस्ताविक अनिल विपत यांनी केले.ग्रामपंचायतीच्यावतीने स्मशानभुमी च्या विविध कामा बददल बालाजी अमाईन्स कं चे व व्यवस्थापकीय संचालक राम रेड्डी तसेच संचालक मंडळाचे आभार व्यक्त केले.
या कार्यक्रमास बक्षीहिप्परगे गावचे सरपंच भाऊ जाधव, माजी सरपंच मनोज महाडिक, माजी सरपंच विश्रांत गायकवाड, सिताराम राठोड, तंटामुक्ती अध्यक्ष नानासाहेब जाधव, शिवाजी निकम, गणेश निकम, रामप्रभु निकम, बापूसाहेब माने, हणमंतमामा निकम, बाबासाहेब माने, शंकर यादव , बसवराज अटद, ग्रामपंचायत सदस्य व ग्रामसेविका तसेच गावतील नागरिक व बालाजी अमाईन्सचे दत्तप्रसाद सांजेकर हे उपस्थित होते.
