TOP 25 । ऑपरेशन टायगरच्या भीतीने मातोश्रीवर भूकंप, तर शरद पवार टेन्शनमध्ये…!

भाजपने पुन्हा एकदा एकनाथ शिंदे यांना हाताशी धरून शिवसेना उद्धव ठाकरे गटात भूकंप निर्माण केला आहे. लोकसभेतील नऊ खासदारांपैकी सहा खासदारांना फोडण्यात यश मिळाले असून उद्धव सेनेचे हे सहा खासदार नॉट रिचेबल झाले आहेत. या सहा खासदारांमध्ये हिंगोली चे नागेश पाटील आष्टीकर, यवतमाळ संजय देशमुख, परभणीचे संजय जाधव,धाराशिव चे ओमराजे निंबाळकर, शिर्डीचे भाऊसाहेब वाघचौरे,मुंबईचे संजय दिना पाटील यांचा समावेश आहे महिला आरक्षण तसेच वन नेशन वन इलेक्शन यासारखी विधेयके लोकसभेत मंजूर करण्यासाठी भाजपला दोन तृतीयांश बहुमत मिळवणे गरजेचे आहे त्यासाठी भाजपकडून हे फोडाफोडीचे राजकारण सुरू आहे. पश्चिम बंगालमधील टीएमसी चे 22 खासदार तसेच उद्धव सेनेचे सहा खासदार फोडण्यात आतापर्यंत यश आले आहे. अजून 44 खासदार फोडणे भाजपचे लक्ष आहे. ऑपरेशन टायगरच्या भीतीमुळे लोकसभेत आठ खासदार असलेल्या आणि विधानसभेत दहा आमदार असलेल्या राष्ट्रवादी शरद पवार गटात देखील अस्वस्थता निर्माण झाली आहे. त्यामुळे शरद पवार यांनी येत्या दोन दिवसात खासदारांची बैठक बोलावली आहे. उद्धव ठाकरे यांनी देखील व्हिप बजावून दिल्लीत संसदीय पक्षाच्या बैठकीच्या आयोजन केले आहे. 19 जून किंवा 21 जून रोजी खूप मोठ्या राजकीय घडामोडी घडण्याची शक्यता वर्तवण्यात येत आहे.