मुस्लिम समाजाचा पवित्र ईद सण शांततेत आणि कायद्याच्या चौकटीत साजरा व्हावा, यासाठी MIDC पोलीस ठाण्याच्या वतीने नई जिंदगी परिसरात बुधवारी दिनांक. 27 मे रोजी भव्य रूट मार्च काढण्यात आला.एमआयडीसी पोलीस ठाण्याचे सर्व पोलीस कर्मचारी, राज्य राखीव पोलीस बल , दंगल नियंत्रण पथक आणि होमगार्डचे जवान मोठ्या संख्येने उपस्थित होते.
या रूट मार्चची सुरुवात नई जिंदगी चौकातून करण्यात आली. त्यानंतर अमन चौक, मदिना चौक, मौलाना आझाद चौक मार्गे पुन्हा नई जिंदगी चौक येथे रूट मार्चचा समारोप करण्यात आला. परिसरातील नागरिकांमध्ये सुरक्षिततेची भावना निर्माण करण्यासोबतच कायदा व सुव्यवस्था अबाधित राखण्याचा संदेश यावेळी देण्यात आला.
या रूट मार्चमध्ये सहाय्यक पोलीस आयुक्त प्रताप पोमन सर, वरिष्ठ पोलीस निरीक्षक प्रमोद वाघमारे , पोलीस निरीक्षक खोमणे , पोलीस उपनिरीक्षक चंदनशिवे ,यांच्यासह SRPF, RCP, होमगार्ड तसेच MIDC पोलीस स्टेशनचे सर्व अधिकारी व कर्मचारी मोठ्या संख्येने सहभागी झाले होते.
यावेळी पोलिसांकडून नागरिकांना ईदुल अज्हा सण शांततेत, बंधुभावाने आणि कायद्याचे पालन करून साजरा करण्याचे आवाहन करण्यात आले.
