मुख्यमंत्री देवेंद्र फडणवीस हे उद्या सोलापूर जिल्हा दौऱ्यावर येत आहेत. बार्शी मध्ये त्यांच्या उपस्थितीत सकाळी 11 वाजता भगवंत महोत्सवाचा कार्यक्रम होणार आहेत. त्यानंतर सोलापूर विमानतळावरून ते मुंबईकडे प्रयाण करणारा असून तत्पूर्वी दुपारी एक वाजता त्यांच्या उपस्थितीमध्ये हरिभाई देवकरण प्रशालेच्या मैदानावर सभेचे आयोजन केले आहे. महापालिकेत एक हाती भाजपची सत्ता आल्यामुळे मुख्यमंत्री देवेंद्र फडणवीस हे महापौर तसेच पदाधिकाऱ्यांचा सत्कार करणार आहेत. जयकुमार गोरे यांनी या कार्यक्रमाच्या यशस्वीतेची धुरा हाती घेतली आहे. सोलापूरचे वाढते तापमान लक्षात घेऊन हरीभाई देवकरण प्रशालेच्या मैदानावर जर्मन हँगर पद्धतीचा मंडप उभा करणे तसेच कुलरची व्यवस्था करणे हे काम सुरू झाले आहे. सुमारे 20 ते 25 हजार लोकांच्या उपस्थितीमध्ये होणाऱ्या या मुख्यमंत्र्यांच्या सभेत दोनही आमदार देशमुख यांचे रुसवे फुगवे चर्चेला येणार आहेत. त्यामुळे मुख्यमंत्री यावर काय तोडगा काढतील हे पाहणे महत्त्वाचे ठरणार आहे.
TOP 25। उद्या मुख्यमंत्री सोलापुरात घेणार जाहीर सभा..! आमदारांचे रुसवे -फुगवे थंड करणार ?
