TOP 25 । सोलापुरातील ‘तो’ 3.52 कोटींचा रस्ता आयुक्तांच्या रडारवर..कारंजे, आकुलवार यांना नोटिसा..!

जुळे सोलापुरातील डी -मार्ट ते विजापूर रोड पर्यंत असलेला आणि डीपी प्लॅनमध्ये तीस मीटर रुंदीचा दाखवण्यात आलेला रस्ता महापालिकेने अवघा साडेसात मीटर रुंदी ने विकसित करण्यासाठी तीन कोटी 52 लाखांचे टेंडर काढले होते.विशेष म्हणजे हा रस्ता डांबरीकरण करण्याच्या नावाखाली टेंडरच्या इस्टिमेट नुसार 78 लाख रुपयांचा मुरूम टाकण्याचे इस्टिमेट बनवले होते. आणि उर्वरित दोन कोटी रुपयांचा निधी पावसाळी गटार बांधण्यासाठी वापरण्यात येणार होता.त्यानुसार डिसेंबरमध्ये वर्कऑर्डर देखील दिली.केंद्र शासनाच्या एन कॅप योजनेतून हा निधी मंजूर करण्यात आला होता. मुरूम टाकून या ठिकाणी पुन्हा धूळ निर्माण होणार त्यामुळे धूळ मुक्त शहर या योजनेला हरताळ पोहोचला जात असल्याबाबत नगरसेविका श्रद्धा पवार यांनी 20 फेब्रुवारी रोजी च्या सभेत आवाज उठवला होता. याचाच संदर्भ घेऊन महापालिका आयुक्त सचिन ओंबासे यांनी अतिरिक्त आयुक्त संदीप कारंजे तसेच नगर अभियंता सारिका अकुलवार यांना नोटीस काढले आहेत. हे काम कोणत्या योजनेतून केले,.. इस्टिमेट बदलल्यानंतर त्याला प्रशासकीय मान्यता कोणाची घेतली, चुकीच्या पद्धतीने काम असल्यास शिस्तभंगाची कारवाई प्रस्तावित का केली नाही.. आदी प्रश्नाबाबत आयुक्तांनी नोटीसद्वारे या दोन बड्या अधिकाऱ्यांना खुलासा मागविला आहे . त्यामुळे जुळे सोलापुरातील हा रस्ता आता चांगलाच गाजणार आहे.