सोलापूर शहर आणि जिल्ह्यामध्ये सध्यातरी पेट्रोल आणि डिझेलची कोणतीही टंचाई नाही. राज्यातील इतर जिल्ह्यांमध्ये टंचाई असल्यामुळे अनेक पेट्रोल पंप बंद झाली आहेत मात्र सोलापुरात कोणत्याही पेट्रोल पंपावर रांगा नाहीत. गॅसची मात्र चांगलीच टंचाई आहे. घरगुती गॅस मिळण्यासाठी खूप मोठे टेन्शन नाही मात्र व्यावसायिक गॅस पूर्णपणे बंद झाला आहे. शहर आणि जिल्ह्यात खाजगी कंपन्यांचा असलेला स्टॉक पूर्णपणे संपल्यामुळे पुढील वीस दिवस तरी गॅस उपलब्ध होणार नाही यामुळे सुमारे 18000 रिक्षांना याचा फटका बसणार आहे. दहा पंपावरील एलपीजी पूर्णपणे संपला असल्याची माहिती सोलापूर शहर अन्नधान्य वितरण अधिकारी ओंकार पडोळे यांनी दिली. प्रिसिजन कंपनीला मिळणारा गॅस पूर्णपणे बंद झाल्यामुळे गेल्या दोन दिवसापासून कंपनीतील उत्पादन पूर्णपणे ठप्प झाले आहे अशी माहिती प्रिसिजनचे चेअरमन यतीन शहा यांनी दिली. एकीकडे गॅस नाही तर दुसरीकडे वारंवार विजेचा खोळंबा यामुळे आमच्या उत्पादनावर देखील खूप मोठा परिणाम होत असल्याची माहिती लक्ष्मी हायड्रोलिकचे शरद ठाकरे यांनी दिली. एकूणच औद्योगिक उत्पादनावर आखाती युद्धाचा मोठा परिणाम आता जाणवू लागला आहे.
TOP 25 । पेट्रोल डिझेल नो-टेन्शन..गॅस संपला- ‘प्रिसिजन’ ठप्प..!
