TOP 25 । भोंदू बाबांना राजाश्रय..सोलापूरसह प्रत्येक जिल्ह्यात फसवेगिरी…

देव धर्माच्या नावाखाली तसेच जादूटोणा करत आणि भविष्य बघतो असं सांगत बहुतांश जिल्ह्यात टोप्या घालणारे अनेक भोंदू बाबा सध्या कार्यरत आहेत. राजकीय नेते, मंत्री, आमदार अशा बड्या लोकांचा त्यांना राजाश्रय लाभ होतो त्यामुळे कोट्यावधीची माया हे भोंदू बाबा जमा करतात. नाशिक मधील भोंदूगिरी चा कॅप्टन अशोक खरात याचे कारनामे उघड झाल्यामुळे राजकीय क्षेत्रात खळबळ निर्माण झाली आहे. भोंदू बाबा खरात यांनी अनेक महिलांवर लैंगिक अत्याचार केल्याची बाब एस आय टी च्या चौकशीत निष्पन्न झाली आहे. खरात हे माझे गुरु आहेत असं म्हणणाऱ्या महिला आयोगाच्या अध्यक्षा रूपाली चाकणकर यांना पद सोडावे लागले. एवढेच नव्हे तर लैंगिक शोषण केल्याप्रकरणी खरात यांच्याकडील शंभरहून अधिक व्हिडिओ पोलिसांना मिळाले आहेत. यामुळे अनेक राजकीय नेत्यांचे धाबे दणाणले आहेत. सोलापूर जिल्ह्यासह अनेक जिल्ह्यात अशा अघोरी प्रथा सुरू आहेत. पोलिसांनी अशा भोंदू बाबांकडे लक्ष देऊन त्यांना बेड्या ठोकल्या तर सर्वसामान्यांची होणारी लूट थांबणार आहे हे नक्की.