TOP 25 । सोलापूर जिल्ह्यात मतदानाचा टक्का घसरला,66 टक्के मतदान,धाकधूक वाढली, उद्या फैसला..!

सोलापूर जिल्ह्यात बहुतांश तालुक्यात काट्यांच्या लढती असताना मतदानाची टक्केवारी वाढेल अशी अपेक्षा होती. मात्र 2017 च्या तुलनेत काल झालेल्या मतदानात तीन टक्के घट दिसून येत आहे. 2017 च्या निवडणुकीत 69 टक्के मतदान झाले होते तर यावेळी 66% एवढे मतदान झाले आहे. सांगोला तालुक्यात सर्वाधिक म्हणजे 70 टक्के मतदान झाले तर दक्षिण सोलापूर तालुक्यात 58% एवढे कमी मतदान झाले. सोलापूर जिल्ह्यातील 24 लाख 59 हजार 227 मतदारांपैकी अकरा लाख वीस हजार 577 एवढ्या मतदारांनी मतदानाचा हक्क बजावला. यामध्ये आठ लाख 61 हजार 675 पुरुषांचा तर सात लाख 58 हजार 885 स्त्री मतदारांचा समावेश आहे. सोलापूर झेडपीच्या 68 जागांसाठी 271 आणि 11 पंचायत समिती मधील पंचायत समितीच्या 136 जागांसाठी 485 उमेदवारांचे बंद झालेले भवितव्य ईव्हीएम मधून उद्या उघडले जाणार आहे. अकरा तालुक्यातील मतमोजणी त्या त्या तालुका ठिकाणावर उद्या सकाळी दहा वाजल्यापासून सुरू होणार असून बारा वाजेपर्यंत संपूर्ण निकाल लागेल अशी आशा आहे. झेडपी वर झेंडा कोणाचा हे उद्या दुपारी बारा वाजेपर्यंत स्पष्ट होईल.