सोलापूर महापालिकेच्या निवडणुकीच्या प्रचारात सोलापूरचा पाणी प्रश्न सत्ताधारी भाजप आणि महाविकास आघाडीने प्रचाराचा मुद्दा बनवला आहे. भाजपच्या जाहीरनामा प्रदेशाध्यक्ष रवींद्र चव्हाण, पालकमंत्री जयकुमार गोरे, आमदार सचिन कल्याणशेट्टी, आमदार विजयकुमार देशमुख, आमदार देवेंद्र कोठे, माजी आमदार दिलीप माने यांच्या उपस्थितीत प्रकाशित करण्यात आला. सोलापुरातील जल वितरण व्यवस्था सुधारण्यासाठी 892 कोटींची योजना पूर्ण करण्याचे या जाहीरनाम्यात आश्वासन देण्यात आले आहे. तर दुसरीकडे काँग्रेस नेते सुशील कुमार शिंदे यांनी महाविकास आघाडीच्या प्रचार शुभारंभ प्रसंगी भाजपवर टीका केली. समांतर जलवाहिनी पूर्ण स विलंब लावल्याने खर्च वाढला. उजनी ते सोलापूर अशी पहिली आणि दुसरी जलवाहिनी आम्हीच आणली अशी त्यांनी ठामपणे सांगितले. एकूणच सोलापूर शहरातील विस्कळीत असलेला पाणीपुरवठा आणि त्यावर होणारे कोट्यावधी रुपये खर्च याबाबत आता सत्ताधारी भाजप आणि महाविकास आघाडी कडून प्रचाराचा मुद्दा बनविला जात आहे.
TOP 25 । सोलापूरचे पाणी निवडणुकीत पेटले.. भाजप आणि महाविकास आघाडीकडून आश्वासने
