भाजप फुलफोर्समध्ये, 167 अपक्षांमुळे गणिते बदलणार,102 BJP, 54 NCP, 48 Cong. 21UBT, 12 SP, 25 MIM

सोलापूर महापालिकेच्या 102 जागांसाठी 564 उमेदवार आपले नशीब आजमावत आहेत. काल रात्री उशिरापर्यंत विविध उमेदवारांना चिन्हांचे वाटप झाले. त्यामुळे आज पासून खऱ्या अर्थाने प्रचाराची रणधुमाळी पाहायला मिळणार आहे. या निवडणुकीत शरद पवार गटाचे अवघे बारा तर उद्धव ठाकरे गटाचे 21 उमेदवार रिंगणात आहेत. त्यांच्यापेक्षा एमआयएम या पक्षाने जास्त म्हणजे 25 उमेदवार निवडणुकीच्या रिंगणात आहेत. काँग्रेस पक्षाचे 48 तर अजितदादा यांच्या राष्ट्रवादीचे 54 उमेदवार निवडणुकीच्या मैदानात उतरले आहेत. शिवाय तिघांना राष्ट्रवादीने पुरस्कृत केले आहे. भाजप स्वबळावर सर्वच्या सर्व 102 जागा लढत असून त्या खालोखाल शिंदे सेनेने हम भी कुछ कम नही म्हणत 61 ठिकाणी उमेदवार उभे करून दंड थोपटले आहेत. प्रभाग पद्धतीने मतदान होत असले तरीही या निवडणुकीत तब्बल 167 अपक्ष उभे राहिले आहेत. याशिवाय समाजवादी पार्टी , रासप, प्रहार, बीएसपी आणि वंचित यांनी देखील आपले उमेदवार उभे केले आहेत.