स्वर्गीय दिगंबर बुवा कुलकर्णी स्मृती ट्रस्ट व स्वर्गीय दत्तात्रय दिगंबर कुलकर्णी स्मृती प्रित्यर्थ राज्यस्तरीय तालसाधना स्वतंत्र तबलावादन स्पर्धेचे आयोजन सोलापुरातील सेवासदन प्रशाला येथे करण्यात आले होते.
या स्पर्धेत गुरुवर्य श्री बाळासाहेब कुलकर्णी व गुरुवर्य यशवंत वैष्णव भैय्या (जगप्रसिद्ध तबला वादक) यांचे शिष्य चि. श्रीरंग श्यामसुंदर येदूर याने लहान गटात उत्कृष्ट सादरीकरण करत तृतीय क्रमांक पटकावला.श्रीरंग याला तबलावादनासाठी लेहरा साथ शरणेश्वर श्यामसुंदर येदूर याने दिली. या स्पर्धेमध्ये महाराष्ट्रभरातून ३७ बाल गटातील तबलावादकांनी सहभाग नोंदवला होता.या स्पर्धेचे आयोजन संदीप कुलकर्णी यांनी केले होते. परीक्षक म्हणून डॉ. श्री सचिन कचोटे व श्री पांडुरंग मुखडे यांनी काम पाहिले. श्रीरंग याला परमपूज्य सद्गुरू शिवशरणम्मा माऊली माताजी यांचे आशीर्वाद लाभले असून तो कैवल्यधाम मठ, रविवार पेठ, सोलापूर येथे वास्तव्यास आहे.या यशाबद्दल श्रीरंग श्यामसुंदर येदूर याचे सर्वत्र हार्दिक अभिनंदन करण्यात येत आहे.
