राष्ट्रवादी काँग्रेस पार्टीच्या वतीने सोलापूर महानगरपालिका सार्वत्रिक निवडणुकीसाठी महत्त्वाची जबाबदारी देण्यात आली असून, ही जबाबदारी सुधीर खरटमल यांच्याकडे सोपविण्यात आली आहे. पक्षाचे प्रदेशाध्यक्ष तथा खासदार खा.सुनिल तटकरे यांनी याबाबत अधिकृत आदेश दिले आहेत.
दिनांक २५ डिसेंबर २०२५ रोजी काढण्यात आलेल्या पत्रानुसार, सोलापूर महानगरपालिका निवडणुकीच्या दृष्टीने नियोजन, संघटन आणि प्रचाराची जबाबदारी सुधीर खरटमल यांच्याकडे देण्यात आली आहे. जास्तीत जास्त जागा निवडून आणण्यासाठी प्रभावी रणनीती आखून काम करण्याच्या सूचना पक्षाच्या वतीने देण्यात आल्या आहेत.
सुधीर खरटमल हे सोलापूर शहरातील परिचित व्यक्तिमत्त्व असून सामाजिक, व्यावसायिक व राजकीय क्षेत्रात त्यांचा सक्रिय सहभाग आहे.त्यांच्या अनुभवाचा पक्षाला आगामी महानगरपालिका निवडणुकीत निश्चितच फायदा होईल, असा विश्वास पक्ष नेतृत्वाने व्यक्त केला आहे.या निवडीबद्दल खा. सुनिल तटकरे यांनी खरटमल यांचे अभिनंदन केले असून, सोलापूर शहरात राष्ट्रवादी काँग्रेस अधिक बळकट करण्यासाठी ही नियुक्ती महत्त्वाची ठरणार आहे
