सोलापूर महापालिकेची निवडणूक उमेदवारी अर्ज भरण्याची प्रक्रिया कालपासून सुरू झाली तरीही महापालिकेकडून इच्छुक उमेदवारांना विविध प्रकारची एनओसी वेळेत मिळत नाही. 24 तासात ना हरकत प्रमाणपत्र दिले जातील असे महापालिका प्रशासनाकडून सांगण्यात आले होते मात्र प्रत्यक्षात अर्ज देऊन तीन तीन दिवस झाले तरीही उमेदवारांना ना हरकत प्रमाणपत्रे दिली जात नसल्याची वस्तू स्थिती आहे. बुधवारी सायंकाळपर्यंत चौदाशे पस्तीस इच्छुक उमेदवारांनी महापालिकेच्या एक खिडकी योजनेकडे एनओसी मिळण्यासाठी शंभर रुपये भरून अर्ज दाखल केले. या एनओसी घेण्यासाठी महापालिकेत दुचाकी किंवा चार चाकी वाहने पार्किंग करायला देखील जागा शिल्लक नव्हती एवढी तोबा गर्दी झाली होती. उमेदवारी अर्ज सोबत हे ना हरकत प्रमाणपत्र जोडावी लागते त्यामुळे आज उमेदवारी अर्ज भरण्यासाठी एक ते सात निवडणूक अधिकाऱ्यांकडे दुसऱ्या दिवशी देखील एकही उमेदवारांनी अर्ज भरला नाही. पहा सोलापूर महापालिकेचे एक खिडकी योजने जवळचे हे कोलमडलेले नियोजन.
NOC घेण्यासाठी 1435 अर्ज…. सोलापूर महापालिकेत तोबा गर्दी..
