महिलांच्या $ 30,000/- रकमेच्या आयटीएफ टेनिस स्पर्धेत भारताच्या सोनल पाटील, सोहा सादिक, अंजली राठी यांचा मुख्य फेरीत प्रवेश
सोलापूर – 22 डिसेंबर 2025: महाराष्ट्र राज्य लॉन टेनिस संघटना व सोलापूर जिल्हा लॉन टेनिस असोसिएशन यांच्या संयुक्त विद्यमाने आयोजित केलेल्या ओॲसिस, प्रिसीजन, इलिझियम-जामश्री व बालाजी अमाईन्स पुरस्कृत जामश्री – इलिझियम सोलापूर ओपन 2025 महिलांच्या $30,000/- रकमेच्या आयटीएफ टेनिस स्पर्धेत सोनल पाटील, सोहा सादिक, अंजली राठी यांनी मुख्य फेरीत प्रवेश केला.
एमएसएलटीए टेनिस सेंटर, जिल्हा क्रीडा संकुल, कुमठा नाका, सोलापूर येथे सुरू असलेल्या या स्पर्धेत अंतिम पात्रता फेरीत भारताच्या नवव्या मानांकित सोनल पाटील हिने जपानच्या आठव्या मानांकित होनोरी कोयामाचा 6-3, 7-5 असा पराभव करून मुख्य फेरी गाठली. सोळाव्या मानांकित एना सेडीशेवाने पाचव्या मानांकित मारिया मिखाइलोवाचा 6-3, 6-4 असा पराभव केला.
दुसऱ्या मानांकित भारताच्या अंजली राठीने काल मानांकित खेळाडूवर विजय मिळवणाऱ्या लक्ष्मीश्री दांडूचा 7-5, 3-6, 10-6 असा कडवा प्रतिकार केला. भारताच्या सहाव्या मानांकित सोहा सादिकने अकराव्या मानांकित मधुरिमा सावंतचा 6-4, 6-1 असा पराभव करून मुख्य फेरीत धडक मारली.
स्पर्धेतील मुख्य ड्रॉ मधील खेळाडूंची मानांकन यादी आज जाहीर करण्यात आली. यामध्ये कोरियाच्या सोह्यून पार्क हिला अव्वल मानांकन देण्यात आले. तर, भारताच्या श्रीवल्ली रश्मिका भामिदिप्तीला दुसरे, रशियाच्या मारिया ताकाचेवाला तिसरे मानांकन देण्यात आले. भारताच्या अंकिता रैना व झील देसाई यांना अनुक्रमे चौथे व पाचवे मानांकन देण्यात आले.
निकाल: अंतिम पात्रता फेरी: महिला:
अरुझान सगांडिकोवा1 वि.वि.यशस्विनी पनवार15 6-1, 6-1;
जिझेल माटोस सिक्वेरा फर्नांडिस ॲटोस (ग्रेट ब्रिटन)[4] वि.वि. जेनिफर लुइखम (भारत) 6-3, 6-4;
एना सेडीशेवा16 वि.वि. मारिया मिखाइलोवा56-3, 6-4;
सोनल पाटील9वि.वि. होनोरी कोयामा 8 6-3, 7-5;
अंजली राठी 2वि.वि.लक्ष्मीश्री दांडू (भारत) 7-5, 3-6, 10-6;
पोलिना बख्मुटकिना3वि.वि.प्रत्युशा रचापुडी10 6-3, 6-7(5), 10-5;
सोहा सादिक6वि.वि. मधुरिमा सावंत11 6-4, 6-1;
एम्मा व्हॅन पॉपेल7 वि.वि. बेला ताम्हणकर12 6-3, 6-7(6), 10-7;
मुख्य ड्रॉ मधील खेळाडूंची मानांकन यादी खालीलप्रमाणे: एकेरी गट:
- सोह्यून पार्क(कोरिया), 2. श्रीवल्ली रश्मिका भामिदिप्ती (भारत), 3.मारिया ताकाचेवा(रशिया), 4.अंकिता रैना(भारत), 5. झील देसाई(भारत), 6.वैदेही चौधरी(भारत), 7. हिरोको कुवाटा(जपान), 8.वैष्णवी आडकर(भारत)
दुहेरी: 1. मना कावामुरा / हिरोको कुवाता (जपान), 2. अंकिता रैना / वैष्णवी आडकर (भारत), 3. मारिया टकाचेवा / एकतेरिना यशिना (रशिया), 4. श्रीवल्ली रश्मिका भामिदिप्ती / वैदेही चौधरी (भारत)
