सोलापूर जिल्ह्यात झालेल्या 11 नगर परिषदांची मतमोजणी रविवार दिनांक 21 डिसेंबर रोजी सकाळी दहा वाजता सुरू होणार आहे.या मतमोजणीसाठी 450 कर्मचाऱ्यांना प्रशिक्षित करण्यात आले आहे. एकूण 98 टेबलांवर ही मोजणी पार पडणार असून प्रत्येक टेबलवर तीन कर्मचाऱ्यांची नियुक्ती करण्यात आली आहे, अशी माहिती नगरपरिषद प्रशासनाधिकारी योगेश डोके यांनी दिली.
मतमोजणीचा निकाल जाहीर करताना पहिल्या फेरीस सुमारे अर्धा तास तर त्यानंतरच्या प्रत्येक फेरीस पंधरा मिनिटांचा वेळ लागेल. याप्रकारे साडे अकरा पर्यंत सर्व निकाल जाहीर होण्याची शक्यता डोके यांनी व्यक्त केली.या नगरपरिषदांच्या मतदानामध्ये एकही टपाली मतदान न झाल्याने टपाली मते मोजण्यासाठी स्वतंत्र टेबल ठेवण्यात आला नाही, त्यामुळे मोजणीची प्रक्रिया अधिक वेगवान होणार आहे.
