5 कोटींचा तोडगा; सव्वा कोटीची भरपाई..
शनिवारी जिल्ह्यासह देशभरात घेण्यात आलेल्या लोक अदालतीत 82 हजार ८४६ खटल्यांपैकी सोलापुरातील 9 हजार 945 प्रकरणे सामंजस्याने निकालात काढण्यात आली.
या प्रकरणात एकूण 55 कोटी 25 लाख 74 हजार 241 इतके मूल्य असणाऱ्या प्रकरणांमध्ये सामंजस्याने तडजोड करण्यात आली.तसेच रस्ते अपघातात प्राण गमावलेल्या कुटुंबांचे, छत्र हरवलेल्या कुटुंबाला राष्ट्रीय लोक अदालतीच्या माध्यमातून सव्वा कोटी रुपयांचे नुकसान भरपाई जिल्हा न्यायाधीश पी पी राजवैद्य व पॅनल सदस्य एल. एन. मारडकर यांनी तडजोडी अंती घडवून आणली.याशिवाय तीन दाम्पत्यांमध्ये तडजोड घडवून त्यांचा संसार सुखाचा करण्यात आला. या दांपत्यांचा मुख्य जिल्हा न्यायाधीश मनोज शर्मा यांनी पुष्पगुच्छ देऊन शुभेच्छा दिल्या.
