नाशिक – राजीव नगर परिसरात काही नशेखोर तरुणांनी नागरिकांच्या वाहनांच्या काचा फोडत दहशत माजवण्याचा प्रयत्न केला. या घटनेमुळे नागरिकांमध्ये भीतीचे वातावरण निर्माण झाले होते. मात्र, इंदिरानगर पोलिस ठाण्याच्या वरिष्ठ निरीक्षक तृप्ती सोनवणे यांच्या नेतृत्वाखालील पथकाने तत्काळ घटनास्थळी धाव घेत काही समाजकंटकांना अटक केली. पोलिसांनी दाखवलेल्या तत्परतेमुळे नागरिकांनी समाधान व्यक्त केले असून पोलिस प्रशासनावरील विश्वास अधिक दृढ झाल्याचे दिसून येत आहे. नागरिकांना धीर देत पोलिसांनी सहकार्य करण्याचे आवाहन केले असून पुढील तपास सुरू आहे.
