विषय: साकवच्या पुढाकाराने प्रतिकूल परिस्थितीतील विद्यार्थ्यांना शैक्षणिक आधार
सोलापूर | जून २०२५ –
नवीन शैक्षणिक वर्षात प्रथम श्रेणीचा अभ्यासक्रम बदललेला असतानाही, विनाअनुदानित शाळांमध्ये शिक्षण घेणाऱ्या कामगार वस्तीतील गरीब व प्रतिकूल परिस्थितीतील विद्यार्थ्यांसाठी ही सुरुवात मोठ्या अडचणी घेऊन आली. शासनाच्या पाठ्यपुस्तक योजना केवळ अनुदानित शाळांपुरत्या मर्यादित असल्यामुळे, या मुलांना आवश्यक ती पुस्तके मिळत नव्हती. त्यामुळे शिक्षणाचा पाया डगमगण्याची भीती होती.
ही गरज ओळखून, ‘साकव’ संस्थेने सामाजिक उत्तरदायित्व स्वीकारत ९० गरजू विद्यार्थ्यांना पहिलीच्या नवीन अभ्यासक्रमानुसार पुस्तके विनामूल्य उपलब्ध करून दिली.
यामध्ये रोशन प्रशाला येथील ७० विद्यार्थी व इतर शाळांतील २० विद्यार्थ्यांचा समावेश होता.
या उपक्रमामुळे विद्यार्थ्यांचा शैक्षणिक प्रवास न थांबता चालू राहिला, व त्यांचे शैक्षणिक भविष्य सुरक्षित झाले.
यावेळी साकवचे संस्थापक अध्यक्ष डॉ जगदीश पाटील व रोशन प्रशालेचे मुख्याध्यापक बसित इंगलगी सर व शिक्षकवृंद उपस्थित होते
हा उपक्रम यशस्वी होण्यासाठी अनेक दात्यांनी उदार मनाने पुढाकार घेतला. साकव संस्थेच्या वतीने सर्व दात्यांचे मनःपूर्वक आभार मानण्यात येत आहेत.
साकवचा हा प्रयत्न म्हणजे शिक्षणासाठीचा खरा साकव – गरजूंना संधी, आधार आणि आशा देणारा!
