सोलापूर -समाजाच्या विविध क्षेत्रात नेत्रदीपक व प्रभावीपणे कार्य करत आपल्या कर्तृत्वाचा वैशिष्ट्यपूर्ण ठसा समाजमनावर उमटविणाऱ्या पन्नास विविध संस्था, व्यक्तींना दैनिक दिव्य मराठीच्या वतीने दिला जाणारा पॉवर ५० पुरस्कार महाराष्ट्र राज्याचे ग्रामविकास मंत्री तथा सोलापूर जिल्ह्याचे पालकमंत्री मा.ना.श्री.जयकुमार गोरे यांच्या हस्ते आपल्या संस्थेला प्रदान करण्यात आला. हा पुरस्कार संस्थापक चेअरमन माश्री. राजेंद्र हजारे साहेब व मुख्य कार्यकारी अधिकारी आशा हजारे मॅडम यांनी स्वीकारला.
हॉटेल बालाजी सरोवर प्रीमियर येथे आयोजित केलेल्या या पुरस्कार सोहळ्याला व कॉफीटेबल बुक प्रकाशन सोहळ्यास जिल्हाधिकारी श्री. कुमार आशीर्वाद, महाराष्ट्र चेंबर ऑफ कॉमर्स इंडस्ट्रीज ॲन्ड ॲग्रीकल्चरचे अध्यक्ष ललित गांधी, पोलीस आयुक्त राजकुमार, सोलापूर मध्यचे आमदार देवेंद कोठे, दैनिक दिव्य मराठी महाराष्ट्रचे सीईओ निशित जैन, पुणे येथील उद्योजक शहाजीराव भाड, सोलापूर दिव्य मराठीचे संपादक महेश रामदासी, सोलापूर दिव्य मराठीचे युनिट हेड नौशाद शेख तसेच प्रतिष्ठित नागरीक, उद्योजक, व्यापारी मोठया संख्येने उपस्थित होते.
