सोलापूर — येथील रोटरी नॉर्थ राधाकिशन फोमरा मूक बधिर विद्यालयात जागतिक महिला दिनाचे औचित्य साधून महिला दिनाच्या पूर्व संध्येला आयोजित केलेल्या कार्यक्रमात राज्य उत्पादन शुल्क च्या सोलापूरच्या अधिक्षक सौ भाग्यश्री जाधव बोलत होत्या. शाळेतील विद्यार्थी, शिक्षक घेत असलेली मेहनत विद्यार्थ्यांचा प्रतिसाद, त्यांचा उत्साह हे सगळं बघून त्या भारावून गेल्या आणि म्हणाल्या – एखादी गोष्ट नाही मिळाली तर आपण किती निराश होतो, यांच्याकडे बघून स्वतःचे परीक्षण करावेसे वाटते असेही त्या म्हणाल्या.
या प्रसंगी शाळेतील विद्यार्थिनींनी भारतात होऊन गेलेल्या पहिल्या कर्तव्यदक्ष महिलांच्या रूपरेषा सादर केल्या.
प्रारंभी सर्व उपस्थितांचे स्वागत आणि कार्यक्रमाचे प्रास्ताविक मुख्याध्यापिका क्षितिजा गाताडे यांनी केले. रोटरी क्लब ऑफ सोलापूर नॉर्थ च्या अध्यक्षा डॉ जानवी माखिजा यांनी प्रमुख पाहुण्यांचा पुष्पगुच्छ देऊन स्वागतोपर सत्कार केला. तर शाळेचे सचिव सुनील दावडा यांनी प्रमुख पाहुण्यांचा परिचय करून दिला आणि स्मृतिचिन्ह देऊन त्यांना गौरविले. या प्रसंगी शाळेतील महिला कर्मचाऱ्यांचा आणि रोटरी महिला सदस्यांचा प्रमुख पाहुण्यांच्या हस्ते भेटवस्तू देऊन सत्कार करण्यात आला.
या कार्यक्रमास रोटरी नॉर्थ च्या अध्यक्षा डॉ जानवी माखिजा, शाळेचे सचिव सुनील दावडा, राज गोपाळजी झंवर, बळीराम पावडे,दीपक आर्वे, आरती गांधी, डॉ सौ शितोळे, रेणुका पसपुले, संध्या चंदनशिवे, विजया पिताळकर, योगिता बोधले, गजानन गडगे, नागनाथ बसाटे, सोमनाथ ठाकर, दिनेश ताटे, सकलेन बडे खान, विठ्ठल सातपुते, चिदानंद बेनुरे, गंगाधर मदभवी, साहेब गौडा पाटील, अजित पाटील, सोमनाथ थोरात, बाबासाहेब पवार, शबाना शेख,आदी उपस्थित होते. कार्यक्रमाचे आभार प्रदर्शन दीपक आर्वे यांनी केले तर सूत्रसंचालन अजित पाटील यांनी केले.
