सोलापूर : भीमराव आंबेडकर प्रतिष्ठानच्या वतीने बौद्ध समाजातील जोडप्यांचा सामुदायिक विवाह सोहळा आयोजित करण्यात आला आहे. हा सोहळा ५ मे २०२३ रोजी होणार असल्याची माहिती माहिती संस्थापक जयकुमार कांबळे यांनी पत्रकार परिषदेत दिली.
डॉ. बाबासाहेब आंबेडकर यांच्या जयंतीनिमित्त हा विवाह सोहळा आयोजित करण्यात आला आहे. यंदा हा सोहळा कस्तुरबा मार्केटजवळील सोलापूर महानगरपालिका मुलांची शाळा क्र.२१ च्या मैदानावर पार पडणार आहे. सोहळ्यात नव वधू-वरांना कपडे, कपाट, दिवाण बेड, कपडे, मनीमंगळसूत्र, जोडवे व संसारोपयोगी साहित्य भेट देण्यात येणार आहे. गेल्या सात वर्षांत ४५ जोडप्यांचा विवाह लावण्यात आला आहे. यंदाच्या वर्षी २१ जणांचा विवाह करण्याचे नियोजन आहे. इच्छुकांनी २० एप्रिलपर्यंत नाव नोंदणी करावी, असे आवाहन जयकुमार कांबळे यांनी केले आहे.
