पुणे- सोलापूर महामार्गावर अरण गावाच्या हद्दीत हॉटेल यशवंत समोर भीषण अपघात एका इर्टिगा कारची अज्ञात वाहनाला पाठीमागूण जोरदार धडक चार तरुण गंभीर जखमी
दिनांक १८ सप्टेंबर २०२६ रोजी सकाळी सात वाजण्याच्या सुमारास पुणे सोलापूर राष्ट्रीय महामार्गावर अरण गावाच्या हद्दीत हॉटेल यशवंत समोर हैदराबाद येथून मुंबई कडे भरधाव वेगाने जाणाऱ्या इर्टिगा कार क्रमांक TG 08 D 3425 ने पुण्याच्या दिशेने जाणाऱ्या एका अज्ञात वाहनाला पाठीमागून जोरदार धडक देऊन झालेल्या अपघातात इर्टिगा कारमधील चार तरुण डोक्याला , छातीला, हाताला, पायाला जबर मार लागून गंभीर जखमी झाले असून हा अपघात एवढा भीषण होता की कारचा पुढील भागाचा चक्काचूर झाला असून या कारमधून प्रवास करणारे सगळे तरुण इर्टिगाकारमधेच अडकले होते वरवडे टोल नाका येथील क्रेनच्या मदतीने अपघातग्रस्त कारचे दरवाजे तोडून जखमी तरुणांना कारमधून बाहेर काढण्यात आले असून या अपघातामध्ये जखमी झालेल्या दोन तरुणांना वरवडे टोल नाका येथील रुग्णवाहिकेमधून डॉ गोरखनाथ लोंढे आणि रुग्णवाहिकाचालक मगंध भोसले यांनी तर अन्य दोन जखमी तरुणांना टेंभुर्णी येथिल १०८ शासकीय रुग्णवाहिकेमधून टेंभुर्णी येथील खासगी रुग्णालयात पुढील उपचारासाठी तात्काळ दाखल करण्यात आले.
सदर अपघाताची माहिती मिळताच वरवडे टोल नाका येथील ग्रस्थीपथक विजय साळुंके, चालक अभिजीत गुजरे सहाय्यक विनोद भोसले,सागर फाटे, डॉ महेंद्र ताकतोडे, अमोल पाटील, ब्रिजेश यादव, विशाल शेळके आणि मोडनिंब महामार्ग पोलिस मदत केंद्राचे अधिकारी किरण आवताडे (PSI) आणि कर्मचारी पो.हे. झिंझुर्डे, पो.हे सचिन आतकर , पो.ना. सुनील माने, पो.हे. कॉ. हनुमंत चौधरी तात्काळ घटनास्थळी दाखल झाले असून, अपघातग्रस्त इर्टिगा कार ही रस्त्याच्या मधोमध उभी होती त्यामुळे पुण्याच्या दिशेने जाणाऱ्या लेनमध्ये वाहतूक कोंडी झाली होती वरवडे टोल नाका येथील ग्रस्तीपथकाने वरवडे टोल नाका येथील क्रेनच्या मदतीने अपघातग्रस्त कार रस्त्याच्या बाजूला काढून वाहतूक सुरळीत केली असून या अपघातामध्ये गंभीर जखमी झालेल्या व्यक्तीची नावे खालील प्रमाणे १) मोहम्मद सैफन कादरी वय २० वर्षे , २) मोहम्मद उमर सिद्दिकी वय २४ वर्षे, ३) मोहम्मद अब्दुल सामी वय २५ वर्षे,४) मोहम्मद अफजल सिद्दिकी वय २७ सर्वजण रा हैदराबाद , आंध्र प्रदेश येथील रहिवासी असून या अपघाताचा पुढील तपास टेंभूर्णी पोलिस स्टेशन येथील अपघात विभागाचे अधिकारी जगताप हे करत आहेत.
