No Result
View All Result
- सोलापूर : पंढरपूरमध्ये एका ९ वर्षाच्या मुलाचा मृतदेह आढळल्यामुळे खळबळ उडाली आहे. महिलासाठी बांधण्यात आलेल्या आणि सध्या बंद अवस्थेत असलेल्या सार्वजनिक शौचालयामध्ये या ९ वर्षाच्या बालकाचा मृतदेह आज पहाटे आढळून आल्याने खळबळ उडाली आहे. या बालकाच्या मृतदेहाची अक्षरश: चिरफाड झाल्याने ही हत्या आहे की दुसरं काही आहे? याचा शोध आता पोलीस घेत आहेत.
- अतिशय धक्कादायक असलेल्या या घटनेमुळे परिसरात भितीचे वातावरण पसरलं आहे. शहरातील संतपीठ भागातील जगदंबा वसाहतीमध्ये राहणाऱ्या तिमा पांडूरंग धोत्रे यांचा ९ वर्षांचा मुलगा कृष्णा तिमा धोत्रे हा रविवारी रात्री आठ वाजता नातेवाईकांच्या घरातून जेवण करून बाहेर गेला होता. रात्री उशिरापर्यंत तो घरी किंवा नातेवाईकांच्या घरी न आल्याने त्याचा शोध घेण्याचा प्रयत्न घरातील मंडळी करत होते.
- रात्री तिमा धोत्रे हे संतपेठ पंढरपूर येथील घराशेजारी बंद असलेल्या सार्वजनिक महिला शौचालयाजवळून सोमवारी पहाटे जात असताना त्यांना हा मृतदेह आढळून आला. त्यांनी मोबाईलची बॅटरी लावून पाहिल्यानंतर तो मृतदेह कृष्णाचा असल्याचे समजले. त्याच्या शरीराचा अर्धा भाग गायब होता. तर छातीची अक्षरश: चिरफाड झाली होती. तोंडावर जखमा होत्या. या घटनेची माहिती मिळताच उपविभागीय पोलीस अधिकारी विक्रम कदम, पोलीस निरीक्षक अरुण फुगे, गुन्हे शाखेचे प्रमुख सह.पोलीस निरीक्षक सी.व्ही केंद्रे या अधिकाऱ्यांसह पोलीस कर्मचारी हे घटनास्थळी पोहोचले.
- या परिसरात भटके कुत्रे आणि डुकरांचा मोठा सुळसुळाट असल्याने अशा प्राण्यांनी त्याला जखमी करून त्याच्या शरीराचा भाग खाल्ला असल्याने कृष्णाचा मृत्यू झाला का? अशी शंका आता पुढे येऊ लागली आहे. तर कृष्णावर डुकरांचा हल्ला झाला नसून त्याचा घातपात झाला असावा. अशी शंका नागरिक व्यक्त करू लागल्याने या प्रकरणाची सखोल चौकशी करण्याची मागणी होऊ लागली आहे. दरम्यान, पोलिसांनी या सर्व प्रकरणी सखोल चौकशीला सुरुवात केली असून एखादा सीसीटीव्ही फुटेज मिळतोय का? याचाही तपास पोलीस करत आहेत. या प्रकरणाने परिसरात खूप भीतीचे वातावरण पसरल्याने लहान मुलांची पालकांना मोठी काळजी वाटू लागली आहे.
No Result
View All Result
