येस न्युज मराठी नेटवर्क : 27 डिसेंबर रोजी सोलापूर जिल्हा गणित अध्यापक मंडळाच्या अधिवेशनामध्ये गणेश विद्यालयचे मुख्याध्यापक दत्तात्रय भगवान माळी यांना गुणवंत गणित शिक्षक पुरस्कार दक्षिण सोलापूरचे गटशिक्षणाधिकारी मल्हारी बनसोडे यांच्या हस्ते प्रदान करण्यात आला . या कार्यक्रमाला शिक्षणाधिकारी सुलभा वठारे मॅडम, शिक्षण तज्ञ ह. ना .जगताप सोलापूर जिल्हा मुख्याध्यापक संघाचे अध्यक्ष तानाजी माने, निवृत्त विज्ञान पर्यवेक्षक भांजे आणि गणित अध्यापक मंडळाचे सर्व पदाधिकारी जिल्ह्यातील गणित शिक्षक, विद्यालयातील वठारकर, गोसावी, गुरव, टोणपे उपस्थित होते. पुरस्कारामध्ये सन्मानपत्र आणि मानचिन्ह देण्यात आले. दत्तात्रय माळी सर यांनी 37 वर्ष अखंडपणे गणित अध्यापनाचे कार्य केलेआहे. गणितामध्ये प्रत्येक विद्यार्थी चांगल्या गुणांनी उत्तीर्ण व्हावा यासाठी त्यांचे अखंड प्रयत्न सुरू आहेत. विद्यार्थ्यांना त्यांच्या अध्यापनाने गणित विषयांमध्ये आवड निर्माण झाली आहे.
