सोलापूर : राष्ट्रीय दृष्टिहीन संघ महाराष्ट्र वतीने अंधकल्याण व शैक्षणिक सप्ताह अंतर्गत तसेच सोलापूर जिल्हा शाखेच्या वतीने अंध मुलांच्या राज्यस्तरीय क्रिकेट स्पर्धांचा आयोजन सोलापुरात करण्यात आलं आहे.
येत्या 15 ते 18 डिसेंबर दरम्यान येथे हे सामने सुरू राहतील. 15 डिसेंबर रोजी सकाळी 11 वाजता रेल्वे मैदान भैय्या चौक येथे या सामन्यांचे उद्घाटन होईल. राज्यभरातून 15 अंधशाळांचे संघ यात सहभागी होणार आहेत 18 डिसेंबरला बक्षीस समारंभ होईल. स्पर्धेचे उद्घाटन पालिका आयुक्त शितल तेली उगले यांच्या हस्ते होणार आहे .या स्पर्धा पाहण्यासाठी सर्वांनी आवर्जून उपस्थित राहावे अस आवाहन आज करण्यात आलं. पत्रकार परिषदेस दृष्टीहीन संघाचे महासचिव राजू शेळके याचबरोबर पदाधिकारी प्रभाकर कदम ,अंजली शेळके, आशिष खडसे आदी उपस्थित होते. आवाजाचा चेंडू घसरत टाकून या क्रिकेटचे सामने होणार आहेत.दृष्टीहीन खेळाडू आवाजाने चेंडू दिशा ओळखतील.
