दिव्यांग व्यक्तीने उदरनिर्वाह भत्तासाठी हयातीचे दाखले जमा करावे – उपायुक्त विद्या पोळ

येस न्युज मराठी नेटवर्क : महापालिका उपायुक्त विद्या पोळ यांनी आज कामगार कल्याण व जनसंपर्क या विभागाची आढावा बैठक घेतली. या बैठकीमध्ये कामगार कल्याण विभागाकडील कामकाजाची माहिती यावेळी त्यांनी घेतली. त्याचबरोबर सोलापूर शहरातील दिव्यांग व्यक्तींना सोलापूर महानगरपालिका अंतर्गत कामगार कल्याण विभागाच्या वतीने उदरनिर्वाह भत्ता दिला जातो. कामगार कल्याण विभागाकडे सोलापूर शहरातील 2880 दिव्यांग लाभार्थीची नोंद करण्यात आली आहे. या दिव्यांग लाभार्थ्यांना महापालिकेच्यावतीने दरमहा 500 व 1000 रुपये उदरनिर्वाह भत्ता देण्यात येते .तसेच महापालिका आयुक्त यांनी शहरातील दिव्यांग लाभार्थ्यां यांनी आपले हयातीचे दाखले जमा करण्यासंदर्भात आदेश दिले होते.त्या अनुषंगाने कामगार कल्याण विभागाकडून जाहीर प्रसिद्धीकरणं करण्यात आले होते.पण त्याला अल्प प्रतिसाद मिळाला असून.आज पर्यत एकूण 2880 दिव्यांग लाभार्थ्यांना पैकी 565 दिव्यंग लाभार्थ्यांनी आपले हयातीचे दाखले सादर केले आहे.उर्वरीत दिव्यांगानी लाभार्थ्यांनी हयातीचे दाखला जमा कराव्यात .जे दाखले जमा करणार नाहीत अशांना दिव्यांग उदरनिर्वाह भत्ता देण्यात येणार नाही.याची नोंद घ्यावी. तरी सोलापूर शहरातील दिव्यांग लाभार्थ्यांनी उदरनिर्वाह भत्ता मिळविण्यासाठी महानगरपालिकेच्या कामगार कल्याण विभागाकडे आठ दिवसाच्या आत आपल्या हयातीचे दाखला सादर करावा.जेणेकरून आपल्या उदरनिर्वाह भत्ता आपल्या बँक खात्यावर जमा करता येईल.तसेच याची जास्तीत जास्त प्रसिद्धी करून लोकांशी समक्ष संपर्क साधून ते प्राप्त करून घेणेबाबतच्या सूचना उपायुक्त यांनी कामगार कल्याण विभागाला दिले. हयातीचे दाखले जमा न झालेने दिव्यांग उदरनिर्वाह भत्ता अदा करण्यास अडचणी निर्माण होत आहेत . तरी महापालिकेची आर्थिक मदत वेळेत आपल्यापर्यंत पोहचावी यासाठी दिव्यांग व्यक्ती अथवा त्यांचे नातेवाईक यांनी लवकरात लवकर हयातीचे दाखले कामगार कल्याण कार्यालयात जमा करावेत असे आवाहन उपायुक्त विद्या पोळ यांनी केले.यावेळी कामगार कल्याण अधिकारी विनोद कुलकर्णी, साहाय्यक जनसंपर्क अधिकारी गणेश बिराजदार आदी उपस्थित होते.