येस न्युज मराठी नेटवर्क : सोलापूर महापालिकेच्या वतीने माझी स्वच्छ शहर सर्वेक्षणासाठी माझी ब्रँड अॅम्बेसडर म्हणून नियुक्ती केल्याबद्दल मनपा आयुक्त यांचे मनापासून आभारी आहे. माझ्यासाठी ही शहरासाठी काही योगदान देण्याची सुवर्ण संधी आहे.मला या नियुक्तीसाठी योग्य समजल्याबद्दल मी महापालिकेचा ऋणी आहे.
प्रिसिजन म्हणून आम्ही नेहमीच शहराच्या विकासाचा विचार केला आहे.आमच्या सामाजिक कामाचाही तोच फोकस राहिला आहे. आपल्या शहरातला कामगार, इथलं पर्यावरण,सामाजिक स्थिती सगळ्याच गोष्टी नेहमी विकासासाठी अनुकूल आहेत, हे माझं मत आहे. या शहराच्या विकासासाठी प्रशासन, लोकप्रतिनिधी आणि उद्योग जगत एकत्र येणे आवश्यक आहे.
सोलापूरकर एकत्र येवून स्वच्छ सर्वेक्षणाच्या माध्यमातून आपण शहरात जागरूकता निर्माण करू. लोकांचा सहभाग यात मिळाला तर क्रांती होईल.आपण सगळे मिळून हा प्रयत्न करूया. त्यासाठी माझे जे योगदान आवश्यक असेल ते मी नक्की देईन. मला ब्रँड अॅम्बेसडर म्हणून नियुक्त केले हा माझा बहुमान तर आहेच पण त्यासोबत सोलपूकरांसाठी सेवा करण्याची संधी आहे असे समजतो.
