येस न्युज मराठी नेटवर्क : औराद येथे आज रविवारी आशा डे दिनानिमित्त त्रिशरण एनलाइनमेंट फाउंडेशन पुणे व प्राथमिक आरोग्य केंद्र औराद यांच्या संयुक्त आशा वर्कर, आरोग्य सेविका व सफाई कामगार महिलांचा गौरव करण्यात आला.
कोरोना महामारीच्या काळात ग्रामीण भागात गाव पातळीवर आशा वर्कर, आरोग्य सेविका यांनी चांगले काम केले. आरोग्य विभागाचे डॉक्टर व प्रशासनाला साथ देत गावातील जनतेला धीर दिला. यामुळे यांच्या सत्काराचे आयोजन करण्यात आले होते.
औराद प्राथमिक आरोग्य केंद्राच्या वैद्यकीय अधिकारी डॉ. निलम घोगरे अध्यक्षस्थानी होत्या. यावेळी डॉ. पवार, विकास दूत प्रकल्पाचे पुणे विभागीय समन्वयक शितल कांबळे व दक्षिण सोलापूर तालुका समन्वयक अन्नपूर्णा लांडगे, विकासदूत मल्लिकार्जुन कांबळे यांची उपस्थिती होती.
या कार्यक्रमात औराद बरूर, हत्तरसंग, राजुर, होनमुर्गी- बिरनाळ येथील आशा वर्कर, डॉक्टर, आरोग्य सेविका व सफाई महिला कामगार यांचा प्रमाणपत्र, शाल, पुष्प गुच्छ व फेटा बांधून सत्कार करण्यात आला.यावेळी डॉ. घोगरे यांनी आशा वर्कर यांच्या कामाचे व त्रिशरण फाउंडेशनच्या उपक्रमाचे कौतुक केले. समन्वयक शितल कांबळे यांनी फाऊंडेशनच्या कामा या कार्याची माहिती दिली. तालुका समन्वयक अन्नपूर्णा लांडगे यांनी महिलांच्या प्रश्नासाठी हे फाउंडेशन सदैव तुमच्या सोबत राहील असे सांगितले.प्रस्ताविकात हमिदा आत्तार यांनी कार्यक्रमाच्या आयोजनाची माहिती दिली. आशा वर्कर यांनी अडचणीवर मात करीत कमी मानधनात एक समाज सेवा म्हणून काम केले. यात जनतेची सेवा करण्याची संधी मिळाल्याचा आनंद झाल्याचे सांगितले.सूत्रसंचालन रुक्मिणी सिनेवडियार यांनी केले. तर आभार राजश्री दोरगनहळ्ळी यांनी मानले.
