येस न्युज मराठी नेटवर्क : अनिल कुमार लाहोटी, महाव्यवस्थापक, मध्य रेल्वे यांनी शुक्रवार २५ फेब्रुवारी रोजी सोलापूर विभागातील मनमाड- दौंड विभागाची वार्षिक तपासणी केली.महाव्यवस्थापकांनी अंकाई आणि कोपरगाव स्थानकांदरम्यान ताशी १३० किमी वेगाच्या चाचणीने निरीक्षणाला सुरूवात केली. तपासणीचा भाग म्हणून त्यांनी कोपरगाव आणि अहमदनगर स्थानक येथील वेटिंग हॉल, स्टेशन स्टॉल, बुकिंग ऑफिस, परीसर क्षेत्राची पाहणी केली. महाव्यवस्थापकांनी महिला प्रतिक्षालय आणि ब्रेस्टफीडिंग रूम, ट्रॅक जॉमेट्री रेकॉर्डिंग ट्रॉली, गँग हट्स, क्रू लॉबी, कोपरगाव येथील रनिंग रूम, पुणतांबा येथील रिले रूम आणि ट्रॅक मशीन तसेच अहमदनगर येथील रेल्वे कॉलनी, हेल्थ युनिट, टीआरडी डेपो, आरपीएफ बॅरेकचीही पाहणी केली.
कोपरगाव येथे लाहोटी यांनी विविध विभागांच्या प्रदर्शनांना भेट दिली आणि आपत्ती व्यवस्थापन, राजभाषा विभागाची ई-पत्रिका आणि कार्मिक विभागाच्या ई-एसबीएफ मॉडेलचे प्रकाशन केले. त्यांनी माननीय खासदार श्री सदाशिव लोखंडे आणि माननीय आमदार श्री आशुतोष काळे यांचीही भेट घेतली आणि रेल्वेशी संबंधित समस्यांवर चर्चा केली.
महाव्यवस्थापकांनी पुणतांबा – अहमदनगर विभागातील ओएचई पॅरामीटर्ससह एलसी गेट क्रमांक 43/44, मुळा नदीवरील गर्डर पूल, एलसी गेट क्रमांक ३० ऐवजी रोड ओव्हर ब्रिजची आणि कर्व क्रमांक ६८ ची पाहणी केली. अहमदनगर येथे त्यांनी माननीय आमदार श्री संग्राम जगताप यांची भेट घेतली आणि रेल्वेशी संबंधित विविध प्रश्नांबाबत चर्चा केली. त्यांनी अहमदनगर – दौंड विभागाची मागील खिडकीद्वारे (Rear Window) निरीक्षण केले.
सोलापूर येथे श्री लाहोटी यांनी कोचिंग डेपो आणि सेल्फ प्रोपेल्ड ॲक्सिडेंट रिलीफ ट्रेनची पाहणी केली. महाव्यवस्थापकांनी मान्यताप्राप्त संघटना आणि व्यापारी संस्थांशी देखील संवाद साधला आणि माध्यमांच्या प्रतिनिधींशी संवाद साधला.या निरिक्षणावेळी सोलापूर विभागाचे विभागीय रेल्वे व्यवस्थापक शैलेश गुप्ता, प्रधान विभागप्रमुख व इतर अधिकारी उपस्थित होते.निरिक्षणादरम्यान सर्व कोविड-१९ प्रोटोकॉल पाळण्यात आले.
