कानपूर : कानपूरमध्ये पियूष जैन नावाच्या अत्तर व्यापाऱ्यावर आयकर विभागानं छापा टाकलाय. या छापेमारीत 150 कोटी रुपायांची बेनामी मालमत्ता सापडलेय. व्यापारी पियुष जैन यांचा कन्नौजमध्ये अत्तरांचा व्यापार आहे. आयकर विभागानं छापा टाकल्यानंतर काल रात्रभर नोटांची मोजणी सुरू होती. या नोटा गेऊन जाण्यासाठी आयकर विभागानं 50 मोठे खोके आणि कंटेनर मागवण्यात आला. अनेक मशीनच्या मदतीनं रात्रभर नोटांची मोजणी सुरू होती. आणि आज दुपारपर्यंत डोळे विस्फारणारं घबाड आयकर अधिकाऱ्यांच्या हाती लागलंय.
आयकर विभागाने आतापर्यंत केलेली ही सर्वात मोठी कारवाई आहे. आतापर्यंत 150 कोटी रुपयांची मालमत्ता जप्त केली आहे. जैन यांच्या घरात सापडलेल्या नोटांची मोजणी सुरू असून नोटा मोजण्यासाठी अधिकाऱ्यांनी नोटा मोजण्याची मशीन मागवली आहे. कानपूरमध्ये पियूष जैन यांच्या नोटा मोजण्याचे व्हिडीओ समोर आले आहे. जैन यांच्या घरातील कपाटात नोटांचे बंडल मिळाले आहे.
