सोलापूर : महाराष्ट्र राज्य क्रीडा शिक्षक महासंघ सलग्न सोलापूर जिल्हा क्रीडा शिक्षक संघ आयोजित उत्तर सोलापूर तालुक्यातील विविध क्षेत्रांमधील गुणवंत व कर्तृत्ववान व्यक्तींचा सन्मान माननीय खासदार शरद चंद्र पवार व लोकनेते बळीराम काका साठे जीवन गौरव पुरस्कार वितरण या समारंभ उत्तर सोलापूर तालुक्यातील अकोलेकाटी या गावांमध्ये संपन्न झाला.
यामध्ये उत्तर सोलापूर तालुक्यातील पडसाळी गावातील युवक शेतकरी अजित शिरसट यांना जीवन गौरव पुरस्काराने सन्मानित करण्यात आले. अजित सिरसट हे उत्तर सोलापूर तालुक्यातील युवक शेतकरी असून त्यांचे द्राक्ष हे मुख्य पीक असून गेल्या तीन पिढ्या पासून त्यांच्याकडे द्राक्ष या पिकाचे खूप मोठ्या प्रमाणात उत्पन्न घेतले जाते तसेच याचबरोबर शेतीमधील इतर कोणतेही पीक असुद्या त्यामध्ये ते अग्रेसर असतात त्याची एक पावती म्हणून आज त्यांना जीवन गौरव पुरस्काराने सन्मानित करण्यात आले. यावेळी येथे उपस्थित मोहोळ विधानसभा चे आमदार यशवंत माने, माजी आमदार राजन पाटील,राष्ट्रवादी काँग्रेसचे जिल्हाअध्यक्ष मा. बळीराम काका साठे,तालुका अध्यक्ष प्रल्हाद काशीद, युवक राष्ट्रवादी कॉंग्रेसचे अध्यक्ष बालाजी पवार,वडाळा गावचे सरपंच जितेंद्र साठे, मार्डीचे सरपंच अविनाश मार्तंडे ,हरिदास घाडगे तसेच संयोजक व राष्ट्रवादी चे इतर कार्यकर्ते मोठ्या संख्येने उपस्थित होते