सोलापूर : केंद्रीय वस्तू व सेवा कर कार्यालयाचे निवृत्त अधीक्षक संजय कुलकर्णी यांना उत्कृष्ट कार्याबद्दल राष्ट्रपती पुरस्कार देऊन सन्मानित करण्यात आले आहे. लखनौ येथे एका विशेष समारंभात हा पुरस्कार सोहळा पार पडला. संजय कुलकर्णी यांना अर्थमंत्री केंद्रीय अर्थमंत्री निर्मला सीतारामन यांच्या हस्ते हा पुरस्कार देण्यात आला असून गेल्या वर्षी हा पुरस्कार त्यांना जाहीर झाला होता. परंतु कोरोनामुळे हा पुरस्कार सोहळा होऊ शकला नाही.
संजय कुलकर्णी यांनी पोलिस खात्यातील उपनिरीक्षक पदाचा राजीनामा दिल्यानंतर 193 मध्ये केंद्रीय वकारी व सीमा शुल्क विभागात निरीक्षक पदावर त्यांची नियुक्ती झाली. जीएसटीच्या सुरुवातीच्या काळात या कायद्याच्या अंमलबजावणीत त्यांनी मोलाची कामगिरी केली. गेल्या चार वर्षातील जवळपास 200 पेक्षा जास्त चर्चा सत्रात त्यांनी सहभाग घेतला. ग्रामीण भागात जीएसटीचा कायदा पोहोचण्यात कुलकर्णी यांनी मोलाची कामगिरी बजावली आहे. केंद्र आणि महाराष्ट्र राज्य शासनातील अधिकारी वर्गाला जीएसटी चे प्रशिक्षण दिले जीएसटी खात्याचे केंद्र सरकारकडून पहिले लेखापरीक्षण करण्याचा बहुमान त्यांना मिळाला आहे गेल्या ऑगस्टमध्ये त्यांनी स्वेच्छानिवृत्ती घेतली होती
