श्रीनगर : जम्मू काश्मीरच्या कठुआ भागात एका हेलिकॉप्टरला अपघात झाल्याचे समजते आहे . कोसळल्यानंतर हे हेलिकॉप्टर कठुआच्या रंजीत सागर धरणात कोसळले .या घटनेची माहिती समजताच स्थानिक अधिकारी घटनास्थळी रवाना झाले आहेत.घटनेनंतर तत्काळा बचावकार्याला सुरूवात करण्यात आली.
एनडीआरएफची बचाव टीम धरणाजवळ पोहचल्या आहेत.मिळालेल्या प्राथमिक माहितीनुसार, ३ ऑगस्ट रोजी सकाळी जवळपास १०.२० वाजता भारतीय सेनेचे हेलिकॉप्टर २५४ आर्मी AVN स्क्वॉड्रननं मामून कँटमधून उड्डाण घेतले होते . धरणाजवळच्या भागात हे हेलिकॉप्टर अगदी थोड्या उंचीवर पाहणी करत होते . कठुआ जिल्ह्याच्या पोलिसांनी दिलेल्या माहितीनुसार, डायव्हर्सद्वारे सरोवरात सर्च ऑपरेशन राबवण्यात येत आहे .याच वर्षाच्या सुरवातीलाच जम्मूमध्ये भारतीय सेनेच्या एका हेलिकॉप्टरला अपघात झाला होता. या हेलिकॉप्टरमध्ये दोन पायलट उपस्थित होते. यातील एकाचा मृत्यू झाला होता.
