सोलापूर : दहिटणे येथून शेळगीच्या दिशेने येणाऱ्या रिक्षांमधून हातभट्टी दारू च्या ५ ट्युबा जोडभावी पेठ पोलिस ठाण्याच्या डीबी पथकाने जप्त करून रिक्षा चालक दिनेश अनिल कांबळे याला अटक केली आहे. सदरची हातभट्टी दारू मुळेगाव तांडा येथील नागेश पवार यांची असल्याचे रिक्षाचालकाने सांगितले असून या हातभट्टी दारूची किंमत वीस हजार रुपये आहे. तसेच रिक्षा क्रमांक एम एच 13/ए. एफ .०८४४ ही देखील पोलिसांनी जप्त केली आहे. रिक्षाचालक दिनेश कांबळे याच्याविरुद्ध जोडभावी पेठ पोलीस ठाण्यात गुन्हा दाखल करण्यात आला आहे. ही कारवाई सकाळी अकरा वाजण्याच्या सुमारास करण्यात आली.
