टेंभुर्णी अकलूज भागातील वाटसरूंना लुटणारी आरोपींची टोळी जेरबंद

सोलापूर : टेंभुर्णी व अकलूज भागात रस्त्याने जाणाऱ्या वाटसरूंना अडवून लूटणारी आरोपींची टोळी ग्रामीण पोलिसांच्या स्थानिक गुन्हे शाखेने पकडली आहे. अकलूज पोलीस ठाण्यात नोंदवण्यात आलेला ११ नोव्हेंबर २०२० रोजी चा तसेच टेंभुर्णी पोलीस ठाण्यात नोंदवण्यात आलेला २८ डिसेंबर २०२० रोजी चा गुन्हा यामुळे उघड झाला आहे दोन्ही ठिकाणी चोरट्यांनी चाकूचा धाक दाखवून तसेच डोळ्यात चटणी टाकून जवळपास दीड लाखांचा ऐवज चोरून नेला होता. ग्रामीण पोलीस अधीक्षक तेजस्वी सातपुते अप्पर पोलीस अधीक्षक अतुल झेंडे सहाय्यक पोलीस निरीक्षक रविंद्र मांजरे आणि ग्रामीण पोलिसांच्या पथकाने या आरोपींना पकडून टेंभुर्णी पोलिसांच्या ताब्यात दिले आहे. टेंभुर्णी अकलूज भागातील वाटसरूंना लुटणाऱ्या माढा तालुक्यातील मोडनिंब येथील राजेंद्र हनुमंत शिंदे आणि माळशिरस तालुक्यातील सवत गव्हाण येथील तेजस उर्फ टील्ल्या सोमनाथ उर्फ अरुण जाधव या दोन तरुणांना ग्रामीण पोलिसांनी अटक केली आहे.