मुंबई : ‘यवतमाळच्या मेडिकल कॉलेजमध्ये जे घडलं ते खरं की खोटं? माध्यमांमध्ये व्हायरल झालेल्या क्लिप्स खऱ्या की खोट्या?,’ याचे उत्तर मुख्यमंत्र्यांनी द्यावे ,’ अशी मागणी फडणवीस यांनी केली आहे. विधानभवनाच्या आवारात ते माध्यमांशी बोलत होते. संजय राठोड यांच्या राजीनाम्याच्या संदर्भात बोलताना मुख्यमंत्री ठाकरे यांनी विरोधी पक्षावर जोरदार टीका केली होती.’संजय राठोड यांच्या संदर्भातील प्रश्नांना उत्तरे देताना मुख्यमंत्र्यांची स्थिती केविलवाणी झाली होती.
सगळे पुरावे असताना जणू काही घडले च नाही, असे जेव्हा सांगावे लागते , त्यावेळी नैतिक धैर्य साथ देत नाही. मास्क असतानाही चेहऱ्यावरून ते स्पष्ट दिसत होते ,’ असे फडणवीस खोचकपणे म्हणाले. ‘यवतमाळच्या मेडिकल कॉलेजमध्ये जे घडले ते खरं की खोटं? क्लिप्स खऱ्या की खोट्या?, अशी विचारणा करतानाच, ‘तुम्हाला कोणाला साधू- संत ठरवायचे असेल तर ठरवा, पण मग तुमची नैतिकता काय आहे हे जनतेसमोर येते ,’ असेही फडणवीस म्हणाले.
