सोलापूर – मध्य रेल्वेतील सोलापूर विभागात 74 वा प्रजासत्ताक दिवसाचा मुख्य समारोह डॉ.बाबासाहेब आंबेडकर क्रीडा संकुल मध्य रेल्वे, सोलापूर प्रांगणामध्ये साजरा करण्यात आला. नीरज कुमार डोहरे, विभागीय रेल्वे प्रबंधक यांच्या हस्ते ध्वजारोहण करण्यात आले. कार्यक्रमात रेल्वे सुरक्षा बल, स्काउट एंड गाइड, सिव्हिल डिफेन्सच्या पथकाद्वारे प्रदर्शन करण्यात आले. नीरज कुमार डोहरे यांनी मध्य रेल्वे, महाप्रबंधक प्रजासत्ताक दिनाचा संदेशाचे वाचन केले, मध्य रेल सांस्कृतिक अकादमिद्वारा देशभक्ती गीताचे प्रदर्शन करण्यात आले तसेच सोलापूर विभागातील विविध यशस्वी कामगिरीचा व पुरोगामी विकास कामांचा उल्लेख केला गेला. गुणवंत कर्मचारी, विशेष कामगिरी केलेल्या कर्मचाऱ्यांचा प्रमाणपत्र देऊन सन्मानित करण्यात आले.
या कार्यक्रमात सोलापूर अपर मंडल रेल प्रबंधक शैलेंद्र सिंह परिहार, मंडल सुरक्षा आयुक्त प्रशांत संसारे , मंडल कार्मिक अधिकारी जी. पी. भगत, वरिष्ठ मंडल वाणिज्य प्रबंधक एल. के. रणयेवले व सर्व विभागाचे अधिकारी, महिला कल्याण संघटनाचे सदस्य, मान्यता प्राप्त युनियन/असोसिएशनचे पदाधिकारी आणि कर्मचारी उपस्थित होते.
