भामरागड : आज १७ मे रोजी सकाळी ६ वाजताच्या सुमारास भामरागड तालुक्यातील पोरयकोटी – कोरपर्शी जगंलात झालेल्या चकमकीत क्युआरटी पथकाचे एक पोलिस उपनिरीक्षक आणि एक सी – ६० पथकाचा जवान शहीद झाला आहे.या घटनेत ३ जवान जखमी झाले आहेत.
सकाळी ६ वाजताच्या सुमारास नक्षल्यांविरूध्द शोधमोहिम राबविताना जगलात दबा धरून बसलेल्या नक्षल्यांनी गोळीबार केला.यामध्ये प्रत्युत्तर देत असताना पोलिस उपनिरीक्षक धनाजी होमने व पोलीस जवान किशोर आत्राम शहीद झाला आहे. पोलीस उपनिरीक्षक होमने हे सोलापूर जिल्हा,पंढरपूर तालुक्यातील पुळूज येथील असल्याचे समजते.विशेष म्हणजे या चकमकीत एकही नक्षल ठार झाला नाही.जखमी जवानांना तातडीने रूग्णालयात हलविण्यात आले आहे.सविस्तर वृत्त लवकरच प्रकाशित करण्यात येईल.संपूर्ण जग कोरोना व्हायरसच्या दहशतीमुळे थांबले असताना गडचिरोलीत नक्षल्यांशी मुकाबला करताना दोन विरांनी आहुती दिली आहे.या घटनेमुळे सर्वत्र शोककळा पसरली असून पोलीस दलात शोककळा पसरली आहे.
