TOP 25 । नव्या जलवाहिनीमुळे सोलापूरला – 80% पर्यंत उजनीतून उचलता येते पाणी….

सोलापुरात वर्षभरात सरासरी 550 मिलिमीटर एवढा पाऊस पडतो गेल्या वर्षी जून अखेरपर्यंत सरासरी 300 मिलिमीटर पाऊस झाला होता. यंदा केवळ 46 मिलिमीटर पाऊस झालाय. अद्याप पावसाचा पत्ता नसल्यामुळे भीषण परिस्थिती निर्माण होऊ लागली आहे. आज सकाळी सहाच्या नोंदीनुसार उजनी धरणात 50 टीएमसी एवढा पाणीसाठा. सध्या पाणीपातळी मायनस 25% एवढी असून गेल्या वर्षी आजच्या दिवशी ती पाणी पातळी मायनस 62% एवढी होती. सोलापूर महापालिका जुन्या आणि नवीन अशा दोन्ही जलवाहिनीतून उजनी धरणातून दररोज 190 एम एल डी पाणी उपसा करते. मायनस 32 पाणी पतळी जाईपर्यंत जुन्या जलवाहिनीतून पाणी उचलता येते. तर धरणातील पाणी पातळी मायनस 80 पर्यंत जाईपर्यंत नवीन जलवाहिनीतून पाणी उपसा करता येणार आहे. शहराला सध्या तरी पाण्याची टंचाई नाही तरीही प्रतिबंधात्मक उपाय म्हणून दहा टक्के पाणी कपात करण्यात आली असून हिप्परगा तलावातून दहा एम एलडी पाणी घेतले जाते. शहरात दररोज 210 एमएलडी पाणी येत असल्याची माहिती महापालिकेचे सार्वजनिक आरोग्य अभियंता व्यंकटेश चौबे यांनी दिली.