सोलापूर / समाधान रोकडे – उत्तर सोलापूर तालुक्यातील जिल्हा परिषद निवडणुकांचे वारे वाहू लागले आहे. त्यामुळे तालुक्यातील प्रमुख नेत्यांनी व्युवरचना आखण्यास सुरुवात केली आहे. विविध कार्यक्रम किंवा लग्नसमारंभात उपस्थित राहून जनतेची सवांद साधण्यास सुरुवात केली आहे. उत्तर मधून राष्ट्रवादी काँग्रेसचे जिल्हाध्यक्ष बळीरामकाका साठे, दिलीप माने व भाजपचे जिल्हाध्यक्ष शहाजी पवार यांची उत्तर मधून तिरंगी लढत होणार की? भाजप-राष्ट्रवादी-काँग्रेस व शिवसेना हे पक्ष कोणाशी युती करून निवणुक लढवनार? की स्वबळावर निवडणूक लढवणर? याकडे तालुक्यातील जनतेचे लक्ष लागले आहे.
येणाऱ्या काही दिवसात जिल्हा परिषदेचा गटनिहाय कार्यक्रम जाहीर होणार आहे.परंतु तालुक्यातील सर्व बाजू लक्षात घेता बळीराम काका साठे यांचा तालुक्यातील प्रत्येक कार्यकर्त्यांची असलेली संपर्क व जनतेचे जोडली गेलेली नाळ तसेच दिलीप माने व शहाजी पवार यांच्यापेक्षा राष्ट्रवादीचे जिल्हाध्यक्ष बळीराम काका साठे यांचे तालुक्यातील काम व आमदार यशवंत माने यांच्यामार्फत तालुक्यातील अनेक गावांमध्ये केलेल्या विकास कामामुळे जिल्हा परिषद निवडणूक मध्ये बळीराम काका साठे यांचे पारडे जड असण्याची चर्चा ऐकायला मिळत आहे.
