होसे वस्तीत 77 हजारांची चोरी….
सोलापुर : होसे वस्ती येथील सह्याद्री हायस्कूल समोर राहणाऱ्या अश्विनी घोरपड यांच्या घराचा दरवाजा तोडून अज्ञात चोरट्याने सोन्याचे दागिने व नऊ हजार रुपये रोख असा ७७ हजारांचा ऐवज चोरून नेल्याची फिर्याद फौजदार चावडी पोलीस ठाण्यात करण्यात आली आहे. याप्रकरणी पोलीस नाईक बाबर अधिक तपास करीत आहेत.
बेलाटी येथे घराचे कुलूप तोडून १५ हजारांची चोरी…
सोलापूर : उत्तर सोलापूर तालुक्यातील बेलाटी येथील हरी लक्ष्मण काळे यांच्या घराचे कुलूप तोडून अज्ञात चोरट्याने कपाटातील पंधरा हजार रुपये चोरून नेल्याची फिर्याद सलगर वस्ती पोलिस ठाण्यात करण्यात आली आहे . याप्रकरणी हवालदार जोंधळे अधिक तपास करीत आहेत.
मोटारसायकलच्या डिकीतून मोबाईलची चोरी
सोलापूर : रेल्वे लाईन्स येथील कोनापुरे 40 मॅजिक मोटर सायकलच्या समोरच्या डिकी मध्ये मोबाईल ठेवून लघुशंका करण्यासाठी गेले असताना अज्ञात चोरट्याने वीस हजारांचा मोबाईल चोरून नेल्याची फिर्याद निलेश संगेपाग याने विजापूर नाका पोलीस ठाण्यात केली आहे. याप्रकरणी पोलीस नाईक आरेनवरु अधिक तपास करीत आहेत.
