सोलापूर : प्रभाग क्रमांक 24 क च्या कर्तृत्ववान नगरसेविका अश्विनी चव्हाण यांनी प्रभाग क्रं.24 मध्ये हळदी कुंकू या समारंभाचे आयोजन केले होते. तसेच जुळे सोलापूर परिसरातील सामाजिक,राजकीय,वैदयकिय,शैक्षणिक,पत्रकारिता,व कोव्हिडच्या काळात ज्या महिला पोलीस कर्मचारी आपल्या जीवाची बाजी लावून लोकांची सेवा केली. त्यासर्व कर्तृत्ववान महिलांचा सत्कार सोहळा आयोजित करण्यात आले होते.
या समारंभाचे अध्यक्ष सहाय्यक पोलीस आयुक्त प्रिती टिपरे या होत्या.तसेच प्रमुख अतिथी म्हणून महिला व बाल कल्याण समितीच्या सभापती कल्पना कारभारी,नगरसेविका राजश्री बिराजदार,संगीता जाधव,राजश्री कणके,राजश्री चव्हाण व विजापूर रोड पोलीस ठाण्याचे PSI सविता मोरे-पाटील,कॉन्स्टेबल चव्हाण,सोनम चव्हाण,कांचन चव्हाण इत्यादी मान्यवर उपस्थित होते. तसेच सत्कार मूर्ती डॉ. अमृता कुमठेकर,प्रार्थना फौंडेशनचे आनु मोहिते,माजी मुख्याध्यापिका अंजली तिवारी,कुमठे केंद्र प्रमुख विजयालक्ष्मी परबतराव,पत्रकार प्रमिला चोरगी,सामाजिक कार्यकर्ते कविता चव्हाण,पोलीस कॉन्स्टेबल इंदिरा चव्हाण व रेश्मा माने,इत्यादी कर्तृत्ववान महिलांचा सत्कार मान्यवरांच्या हस्ते करण्यात आले. प्रस्तावनेतअश्विनी चव्हाण म्हणाल्या यासर्व महिला समाजामध्ये निस्वार्थ भावनेने काम करतात त्यामुळे यांच्या कामाची दखल घेऊन या गुणीजणांचे सत्कार करणे हे आपले कर्तव्य आहे. यासत्कारामुळे यांना प्रेरणा मिळेल व भविष्यात या गुणीजणांकडून अधिक चांगले काम होईल अशी अपेक्षा त्यांनी व्यक्त केली.सत्काराला उत्तर देताना अंजली तिवारी यांनी कृतज्ञता व्यक्त केले. अध्यक्षीय मनोगत व्यक्त करताना मा. प्रीती टिपरे मॅडम यांनी उपस्थित महिलांना आपल्या घरामध्ये मुलगा व मुलगी असा भेदभाव करू नका दोघांनाही समान वागणूक दया. अश्विनी चव्हाण यांच्या कामाविषयी समाधान व्यक्त केले. व सर्व पुरस्कार प्राप्त महिलांना भावी वाटचालीकरीता शुभेच्छा दिल्या. याप्रसंगी विविध मनोरंजनाचे खेळ,फॅशन शो,विविध गुण दर्शनाचे कार्यक्रम आयोजित करण्यात आले होते. यासर्व खेळामध्ये महिला उत्स्फूर्त सहभाग घेतला. परिसरातील बहुसंख्य महिला याप्रसंगी उपस्थित होत्या. शेवटी आभार संगीता भुईबार यांनी व्यक्त केले.कार्यक्रमाचे सूत्रसंचालन ऐश्वर्या यांनी केले.
