पालकमंत्री जयकुमार गोरे हे विधान परिषद निवडणुकीच्या निमित्ताने विविध तालुक्यांचा दौरा करत आहेत. आज त्यांनी सांगोला तसेच अक्कलकोट येथे विधान परिषदेच्या मतदारांची भेट घेतली. सायंकाळी हॉटेल बालाजी सरोवर मध्ये भाजपच्या नगरसेवकांसमवेत त्यांची बैठक आयोजित केली आहे. महाविकास आघाडी कडून वसंत देशमुख यांचा प्रचार करण्यासाठी काही नेते भाजपच्या नगरसेवकांना देखील फोन करत असल्यामुळे आजच्या बैठकीमध्ये पालकमंत्री जयकुमार गोरे हे भाजपच्या नगरसेवकांना कानमंत्र देणार आहेत. एकूण 616 मतदार असून महायुतीचे 434 तर महाविकास आघाडीकडे 78 मध्ये आहेत. मतदारांना लक्ष्मी दर्शन झाल्यानंतर चमत्कार होऊ नये म्हणून पालकमंत्री जयकुमार गोरे यांनी प्रत्येक नगरसेवकावर वॉच ठेवला आहे. नगरपालिका आणि नगरपंचायतीचे सदस्य, पंचायत समित्यांचे सभापती, जिल्हा परिषदेचे सदस्य आणि महापालिका नगरसेवकांना भेटून पालकमंत्री या निवडणुकीत रंग भरत आहे. निवडणुकीच्या निमित्ताने त्यांनी मोहिते पाटलांना पुन्हा एकदा टार्गेट केले आहे. महाविकास आघाडीला 616 पैकी 16 देखील मते पडणार नाहीत असे ते बोलत आहे. तसेच आज ते सोलापुरात म्हणाले, अबकी बार ५०० पार.. त्यामुळे 18 जून रोजी होणाऱ्या मतदानाकडे जिल्ह्याचे लक्ष लागले आहे.
