नांदेड जवळ तिहेरी अपघातात दोन जण ठार तर सहा जण जखमी

अर्धापूर – नांदेड जवळ तिहेरी अपघातात दोन जण ठार तर सहा जण जखमी झाले. भरघाव वेगाने जाणाऱ्या एका कारने आधी आयशर टेम्पोला व त्यानंतर दुसऱ्या एका कारला धडक दिल्याने टेम्पो चालकासह दोन जण जागीच ठार झाले असून सहा जण जखमी झाले. अपघातानंतर जखमींवर नांदेडच्या खाजगी रुग्णालयात उपचार सुरू आहेत. अपघात पहाटेच्या सुमारास झाला. महामार्ग पोलिसांनी जखमींना तात्काळ नांदेडच्या खाजगी रुग्णालयात दाखल केले आहे.
अर्धापूर ते नांदेड रस्त्यावर असलेल्या ब्रिस्टल पोस्ट कारखान्याच्या समोर आधी दुभाजकावर कार धडकली, त्यानंतर समोर असलेल्या आयशरला धडक बसली. त्या पाठोपाठ त्या कारने पुन्हा एका कार क्रमांक एम. एच. २३ए.डी ३५६७ या कारलाही धडक दिली. या अपघातात आयशर क्रमांक एम.एच. १३ सी.यु. ४२४४ चा चालक रामा प्रसाद डोंगरे (वय५०) राहणार इचगाव, तालुका मोहोळ, जिल्हा सोलापूर. आणि अमित विठ्ठल घुगे (वय२९) राहणार शांतीनगर, नांदेड हे दोघेजण जागीच ठार झाले.