आज बेंगलोर विरुद्ध कोलकाता यांच्यात लढत… कोण मारणार बाजी?, तर कोण होणार स्पर्धेबाहेर?

येस न्युज मराठी नेटवर्क : इंडियन प्रिमीयर लीगच्या 14 व्या पर्वाचे अंतिम तीन सामने आता उरले आहेत. आधीच दिल्ली कॅपिटल्सला नमवत चेन्नई सुपरकिंग्सने अंतिम सामन्यात स्थान मिळवलं आहे. आता दुसऱ्या स्थानासाठी दिल्ली, केकेआर, आरसीबी या संघामध्ये चुरस आहे. दिल्लीला अंतिम सामन्यात जाण्यासाठी आणखी एक संधी असून त्यांची लढत आज आरसीबी आणि केकेआर यांच्यातील विजेत्याबरोबर असणार आहे.

आज होणारा विराट कोहलीच्या रॉयल चँलेजर्स बंगळुरु आणि इयॉन मॉर्गनच्या कोलकाता नाईट रायडर्स यांच्यातील सामन्यात दोन्ही संघासाठी अगदी करो या मरोची लढाई आहे. विजेता संघ दिल्लीसोबत अंतिम सामन्यात जाण्यासाठी एक सामना खेळेल तर पराभूत होणारा संघ थेट स्पर्धेबाहेर जाईल. त्यामुळे आजची लढत अतिशय महत्त्वाची असून चुरशीची होणार हे नक्की!